Седум причини за бакнеж: Како бакнувањето влијае врз вашето тело?
Благодарение на бакнувањето, не само што вие и вашиот партнер ќе се чувствувате добро, туку и ќе ја зајакнете врската. Но, бакнувањето има и многу други здравствени придобивки. На пример, кога имате главоболка можеби не сте расположени за бакнување со партнерот, но тоа може да ви помогне да се ослободите од главоболката.
1.Вашите артерии можат да бидат поздрави
Студијата покажа дека луѓето кои почесто се бакнуваат имаат пониско ниво на холестерол. Кога се бакнувате, вашето тело почнува да произведува повеќе окситоцин. Овој хормон помага во ослободување од стрес и вознемиреност што може да придонесе за високо ниво на холестерол. Бакнувањето исто така може да помогне во намалување на крвниот притисок.
- Вашата алергиска реакција може да стане помалку интензивна
Бакнувањето го намалува стресот и ве исполнува со позитивни емоции, што дури може да помогне во ублажување на симптомите на алергија.
- Лицето може да изгледа помладо
Голем дел од мускулите на лицето се вклучени во процесот на бакнување, па тоа го тонира вашето лице како вистински тренинг. Кога се бакнувате, можете да потрошите до 26 калории за една минута, а бидејќи бакнувањето го зголемува протокот на крв во вашето лице, може да го стимулира и производството на колаген и еластин, што може да ви помогне лицето да ви изгледа помладо.
- Главоболката или грчевите може да станат поблаги
Ако имате главоболка или грчеви при менструацијата, можеби е добра идеја да се обидете да ја ослободите болката со бакнеж. Бакнувањето ги шири крвните садови и го намалува крвниот притисок, што може да помогне во намалување на болката.
- Влијае и на вашите заби
Бакнувањето го зголемува производството на плунка, што може да ги заштити вашите заби од штетни бактерии и да спречи расипување на забите. Некои експерти исто така велат дека минералните јони во плунката можат да помогнат дури и во санирање на малото оштетување на забната глеѓ. Сепак, вашата орална хигиена и хигиената на вашиот партнер се многу важни затоа што има и бактерии кои предизвикуваат расипување на забите и кои можат да се пренесат кога се бакнувате.
- Може да изгубите килограми
Бакнувањето, исто така, прави вашето тело да произведува повеќе допамин. Доколку го немате доволно овој хормон во вашето тело, може да почувствувате поголема желба за храна, што обично значи дека ќе сакате да јадете нешто нездраво и калорично. Па дури и после јадење таков оброк, можеби нема да бидете целосно задоволни. Но, поголеми количини на допамин можат да го контролираат вашиот апетит и да спречат зголемување на телесната тежина.
- Може да се чувствувате помалку поспани
Допаминот, исто така, влијае на вашата количина на енергија. Ако нивото на допамин е ниско, може да се чувствувате повеќе уморни, па ќе ви треба повеќе сон од вообичаеното. Затоа бакнувањето може да ја зголеми будноста, пишува Bright Side.
