Не сакате кафе? Можете да се разбудите и со помош на овие пијалоци!

Колку и да е популарно кафето, секогаш ќе има луѓе на кои едноставно не им се допаѓа неговиот вкус …

Но, само затоа што не ви се допаѓа одреден вкус, не значи дека треба да бидете поспани и уморни цел ден. Едноставно „земете“ ја вашата доза кофеин од други пијалоци, како што се чај и смути. За почеток, пробајте ги следниве шест пијалоци. 

 

Комбуха 

Комбуха е дефинитивно еден од најпопуларните пијалоци, што не изненадува бидејќи е позната по многубројни здравствени придобивки. Овој ферментиран пијалок, кој се добива од печурки комбуха, сигурно ќе ви даде доволно енергија да го започнете денот. 

 

Чај – но не кој било 

Друг пијалок што ќе ве разбуди без проблеми е „chai“, еден вид индиски чај кој е одлична комбинација на црн чај (кој ќе ви го даде потребниот кофеин) и внимателно измешани зачини кои ќе ве загреат и разбудат. 

 

Зелено смути 

Овој вкусен зелен пијалок е полн со здрави состојки кои ќе ви помогнат да се подготвите за сите предизвици што ве очекуваат. Ако не сте голем љубител на лиснат зеленчук, не грижете се, бидејќи зелените смути можат да бидат здрави и вкусни истовремено! 

 

Вода со лимон 

Ако ви е преку глава од чаеви, можете да пробате уште еден одличен пијалок за будење – вода со лимон. Овој едноставен пијалок, покрај тоа што ќе ви овозможи доста здравствени придобивки, по долга ноќ, брзо ќе го хидрира вашето тело. 

 

Зелен чај 

Зелениот чај е дефинитивно еден од најпопуларните чаеви и совршен пијалок за будење. Покрај тоа што содржи кофеин, тој е полн со хранливи материи и многу, многу вкусен. 

 

Топло чоколадо 

Кога деновите се ладни, некако е потешко да се излезе од топол кревет. Вистинското спасение во такви ситуации е топол пијалок, а кога нема кафе има топло чоколадо. Овој сладок пијалок ќе ве загрее и ќе ве подготви за денот што следи.