Кубанската вакцина против Ковид-19 влегува во третата фаза на тестирање

Исцрпувачките санкции и лошата економска состојба не ја спречија Куба да стане можен кандидат во трката за вакцина против Ковид-19, која во моментов влегува во третата фаза на тестирање.

Јосавани Кастеланос Сантос, вонреден професор на државниот здравствен институт, е оптимист во врска со чекорите што ги презеде неговата земја во испитувањата на вакцината против Ковид-19.

Додека Бразил и Мексико се натпреваруваат за понуди од западни, кинески и руски фармацевтски компании, Куба има во план четири потенцијални вакцини.

Државниот институтот за вакцини Финли (IFV), произведе вакцина која моментално влегува во фаза 3 на тестирање.