Метод на познат психолог за да се запре секоја кавга

Александар Свијаш е руски психолог кој се прослави благодарение на неговите книги за тоа како да се совладаат основните вештини за живеење и односите со луѓето. 

Конфликтот и начините за негово решавање честопати се тема на овој експерт за човечка психа. Така, во едно од неговите дела, тој понуди метод за кој тврди дека може да ни помогне во скоро секоја ситуација да избегнеме расправија со некој што ја започнал. Методот се состои од два чекори и може да ви помогне да ја извлечете врската од проблеми со комуникацијата: 

Ако некој сака да се кара со вас, тоа значи дека му треба нешто од вас. Нападот е честопати нашиот потсвесен начин да ја прикриеме подлабоката причина за незадоволство. Затоа, секогаш прво запрашајте се за што всушност станува збор, што навистина некој очекува од вас во одредена ситуација. Може да биде недостаток на (само) почит, доверба, љубов, топлина и внимание, страв од нешто…

Клучот е во тоа да не одговорите на провокациите. Потрудете се да се однесувате нормално и јасно ставете до знаење дека не сакате да се карате. Од друга страна, многу е важно за вашата смиреност да не очекувате некоја посебна благодарност од лицето кое го започнало конфликтот. Нека ви биде доволно што сите сте го добиле она што ви треба на мирен начин – тој / таа позитивни вибрации, вие мир.

Забелешка: Овој метод во никој случај не се однесува на случаи на семејно насилство / злоупотреба / врска каде што треба веднаш да се дејствува физички (законски доколку е потребно) и да заминете.