Оксфорд: Доаѓа вакцината против јужноафриканскиот вид

Нова вакцина што може успешно да се бори против јужноафриканскиот вид на ковид може да се појави до есен, изјави водачот на тимот што ја направи вакцината на Универзитетите во Оксфорд и АстраЗенека, Сара Гилберт. 

Професорката Гилберт за BBC изјави дека на вакцината не и треба многу време да се прилагоди на промените, а истражувачите веќе работат на нова верзија на вакцината за да создадат посилен имунолошки одговор на мутираниот тип на ковид од Јужна Африка. 

Оваа информација дојде по студија, сè уште нецелосна, во која се наведува дека вакцината АстраЗенека/Оксфорд обезбедува помала заштита од јужноафриканскиот вид, но сепак ги штити поединците од добивање на посериозна форма на ковид. 

Весникот Independent додава дека министерот за здравство на Велика Британија, Мет Хенкок, апелирал до компаниите со над 50 вработени, кои мораат да одат на работа, да прават брзи антиген тестови. 

Владата се надева на „нормализирање на тестирањата на работните места, како во јавниот така и во приватниот сектор“, со цел да регистрираат што повеќе асимптоматски случаи на ковид.