Луѓето родени во овој месец живеат најдолго: Еве зошто

Луѓето родени во октомври имаат поголема веројатност да доживеат старост, покажа една студија. 

Имено, истражувачите од Универзитетот во Чикаго ги споредиле податоците на стогодишниците родени во октомври помеѓу 1880 и 1895 година со податоците на нивните браќа и сестри, како и на сопружниците. 

Студијата покажа дека луѓето родени во октомври имаат многу поголеми шанси да доживеат сто години отколку оние родени во април. Откриено е и дека луѓето родени во септември и ноември исто така живеат подолго од просекот. 

Постојат неколку теории кои се обидуваат да ги објаснат податоците до кои дојде новата студија. Според една, бебињата родени во октомври се помалку изложени на сезонски болести затоа што во октомври нема екстремно ниски и високи температури, за разлика од децата родени во текот на летото или зимата. 

Можеби породувањето на есен штити од сезонски болести, а тоа може да влијае на нечија долговечност. Сепак, истражувачите не се сосема сигурни. 

Во игра се многу фактори, а генетиката игра голема улога. На долговечноста повеќе влијаат навиките во исхраната, физичката активност, избегнувањето лоши навики, како пушењето и другите пороци.