Постојат 6 ВИДОВИ ВОЗАЧИ…И, се разбира, тие немат никаква врска со полот …
Мажите се убедени дека се многу подобри возачи од жените, но најново истражување го негира тоа, бидејќи покажува дека тоа е индивидуално, а не прашање на пол.
Покрај тоа, студиите велат дека секој од нас може да спаѓа во одредена категорија возачи, без оглед дали сте жена или маж. Истражувачите од Лондонската школа за економија и политички науки идентификуваа неколку типови на личности зад воланот.
Едно лице може да обедини неколку видови во себе, а кој ќе се “разбуди” зависи од специфичната состојба и околностите. Еве како изгледа типологијата:
Наставници. Ова се возачите кои имаат потреба на својот партнер или колега во сообраќајот да им укажат на грешките, очекувајќи признание за нивниот труд.
Натпреварувачи. За нив сè е трка, така што тие секогаш ќе додаваат гас кога некој ќе се обиде да ги престигне или ќе им го затворат преминот кон другите. Поради натпреварувачкиот дух, тие често предизвикуваат несреќи.
Одмаздници. Тие свесно ги казнуваат возачите кои, според нив, немаат сообраќајна култура, па затоа или забавуваат или блокираат други автомобили на патот.
Сезнајковци. Тие секогаш се во право, па ќе ги слушнете како супериорно коментираат за секој возач, бидејќи само тие знаат да возат. Тие имаат тенденција да им коментираат на другите преку отворениот прозорец.
Бегалци. Додека возат, тие најмногу слушаат музика или зборуваат на телефон, бидејќи тоа е нивниот начин да избегаат од фрустрациите предизвикани од другите возачи.
Филозофи. Тоа се оние мирни и опуштени возачи, кои никој не може да ги налути во сообраќајот.
