ФЕНГ ШУИ – Денес е полна Месечина која може да донесе среќа: еве како да ја искористите нејзината енергија
Денес имаме полна Месечина во знакот на Лав, прва во 2021 година! Доколку сакате да ја искористите нејзината енергија за позитивни промени во домот, следете ги следниве 5 чекори!
Полната месечина носи огромна количина на енергија и затоа мора да бидете смирени. Во спротивно, таа кај вас нема да има позитивен ефект.
Сè што се случува во вашето тело, ум и дух ќе се интензивира за време на полната месечина. Ако малку се налутите, ќе се налутите уште повеќе. Ако сте среќни, ќе бидете уште посреќни. Оваа енергија е исклучително силна и затоа треба да знаете како да ја насочите на вистинскиот пат. Следните пет фенг шуи совети ќе ви помогнат правилно да ја користите нејзината енергија.
1.Воздржете се.
Не влегувајте во расправии, кавги, немојте да се лутите. Полната Месечина е време кога треба да бидете смирени, да пуштите некои работи. Тоа е време кога – длабоко дишејќи – треба да поминеме низ потешкотии и да им простиме на другите што грешат.
Ако не можете, а да не се расправате за нешто со некого, барем обидете се тоа да се случи најмалку два дена по полната Месечина. Сè што ќе се случи сега ќе биде претерано. Затоа, обидете се да одржите баланс и добра енергија.
- Размислувајте позитивно
Дефинитивно треба да размислувате позитивно, особено во периодот кога Месечината е полна. Само не претерувајте, бидејќи во овој период сè е претерано, така што вашите позитивни мисли можат да се размножат до тој степен што ќе изгубите реален поглед на сè околу вас.
Само пет минути позитивни мисли на ден се доволни за да го „поминете“ денот. На пример, можете со писмо да му се заблагодарите на универзумот за сè што имате. Може да застанете пред огледало и да се пофалите. Може да шетате и да ја забележите убавината на вашата околина.
- Фантазирајте
Замислете како се остваруваат сите ваши соништа. Периодот на полна Месечина е одличен за унапредување на оваа техника. Размислете за вашите цели и запишете ги сите на хартија. Исто така, ова е одлично време да креирате табела со желби.
Залепете ги сите ваши желби на таблата. Потрудете се, таа да биде весела, шарена и живописна. Целото време поминато во фантазирање за исполнување на целите во овој период само ќе придонесе за нивно исполнување.
- Медитирајте
Можете да медитирате сами или во група. Бидејќи полната Месечина нè опсипува со толку многу енергија, медитацијата ќе ви биде од голема помош да останете смирени.
- Испратете им добра енергија на оние на кои им е потребна
Кога ќе помине најголемиот бран на енергија на полната Месечина, испратете малку добра енергија, прошка и љубезност кон пријателите, семејството, колегите. Обидете се да испратите енергија од срцето.
