Кралицата бара некој што ќе го води нејзиниот Инстаграм: Плата 32.000 евра годишно

Отворено е интересно работно место во служба на британската кралица Елизабета Втора. Имено, на официјалната веб-страница The Royal Household се бара личност која ќе го води официјалниот профил на Инстаграм на Бакингемската палата. 

Конкурсот е отворен до 7 февруари, а лицето кое ќе објавува фотографии на Инстаграм во име на кралицата Елизабета, ќе има плата од околу 32.000 евра годишно, плус бонуси што ќе може да се заработат.

Она што се бара од кандидатот е „добро око за детали, креативност, дигитална писменост и пожелно е универзитетско образование“, стои во огласот. 

“Нема да има два дена исти. Ќе имате можност да напредувате во вашата кариера и да оставите свој белег во срцето на оваа позната институција”, се додава.