Премиерата на новиот филм за James Bond е повторно одложена

Филмот „No Time To Die“, во кој Daniel Craig го глуми агентот 007, и кој требаше да ја доживее својата премиера на 2 април 2021 година, повторно е одложен и закажан за 8 октомври 2021 година.

Ова е трет пат филмот да се одложува од почетокот на пандемијата, што ја наруши филмската индустрија, предизвикувајќи затворање на кино салите, одложување на премиерите. 

Некои од филмовите, како што се Soul и Mulan, ги прескокнаа премиерите во кино салите во САД и беа прикажани на стриминг платформите.

Доцнењето на филмот No Time To Die, е голем удар за сопствениците на кино салите кои очајно сакаат да ја вратат публиката назад. 

Сепак, одложувањето на премиерата на филмот е силен сигнал дека може да поминат неколку месеци пред работите да се вратат во нормала во филмската индустрија. 

Следниот голем филм чија премиера се очекува е Black Widow, која е закажана за 7 мај и F9, што е закажана за 28 мај.