Што Curiosity откри за 3.000 дена на Марс

Според порталот Space, поминаа 3.000 дена откако ова Curiosity слета на површината на Црвената планета во 2012 година.

По тој повод, НАСА на официјалната веб-страница објави панорамски фотографии направени од роверот на 18 ноември 2020 година.

На фотографиите се гледаат камчиња во областа на Mount Sharp, по кои Curiosity се качува од септември 2014 година.

Лансиран во вселената во 2011 година, Curiosity слета на Марс во 2012 година.

Ова роботско возило, кое веќе девет години е во истражувачка мисија, собра бројни докази кои утврдија постоење на елементи неопходни за каква било форма на живот на Црвената планета.

Curiosity веќе откри траги од глинени минерали и органски молекули на Марс. Органските супстанции не мора да значат живот, но тие го добиле своето име затоа што самите состојки се неопходни за потеклото на животот.