Првото издание на стрипот Бетмен од 1940 година продадено за 2,2 милиони долари

Првото издание на стрипот Бетмен од 1940 година беше продадено на аукција во САД за повеќе од 2,2 милиони долари. 

Таа продажба постави светски рекорд на стрип-аукцијата за суперхеројот Бетмен, објавија од аукциската куќа Heritage Auctions од Далас.

Купувачот сакал да остане анонимен, изјави портпаролот на аукциската куќа Robert Wilonsky. 

Стрипот „Batman“ бр. 1 ги прикажува Бетмен и неговиот асистент Робин како летаат на жолта позадина и црвениот хоризонт на Готам Сити. 

Во ова издание, кое е во совршена состојба, се појавуваат и познатите ликови Joker, Hugo Strange и Catwoman.