Читањето книги може да ви помогне во љубовниот живот
Сајтот за состаноци eHarmony откри дека книгите можат значително да влијаат на вашиот љубовен живот и дека цитирањето на она што сте го прочитале на социјалните мрежи и страниците за средби може да ве направи попривлечна личност.
Податоците од страницата покажаа дека мажите кои велат дека сакаат да читаат книги добиваат 19 проценти повеќе пораки, а жените три проценти. Исто така, се наведува дека љубителите на книгата се сметаат за поинтересни, како и дека им е полесно да комуницираат со другите.
Меѓутоа, кога станува збор за запознавање преку Интернет, вниманието се посветува и на она што го читате. Имено, податоците покажале дека мажите кои изјавиле дека читаат „Screw It, Let’s Do It“ и „Like a Virgin“ добиле 74 проценти поголемо внимание од другите. Трета на списокот на популарни книги е „The Girl with the Dragon Tattoo“ (36 проценти), „1984“ (21 процент) и „The Da Vinci Code“ (5 проценти).
Кога станува збор за жените, мажите биле најмногу заинтересирани за оние кои ги читале „The Hunger Games“ (44 проценти), „The Girl With the Dragon Tattoo“ (31 процент) и „A Game of Thrones“ (30 проценти).
Ова значи дека не сите книги ќе му помогнат на вашиот љубовен живот.
Податоците покажаа дека читањето на Библијата не било пожелно ниту кај мажите ниту кај жените и дека жените што читале „Fifty Shades of Grey“ добиле 15 проценти помалку пораки, а мажите кои читале „Harry Potter“ изгубиле 55 проценти од својата популарност.
