Еден од креаторите на серијата „The Office“: „Не е невозможно да се снимаат нови епизоди“

Еден од креаторите на американската серија „The Office“, Грег Даниелс ги негираше гласините дека се снимаат нови епизоди, но додаде дека не е исклучена опцијата такво нешто да се случи во иднина. 

Дел од главната актерска екипа изрази желба да се врати на сетот на серијата. Рејн Вилсон и Џон Красински во неколку наврати потврдија дека би сакале да се вратат во една од најдобрите американски серии.

Од друга страна, ѕвездата на серијата, Стив Карел, смета дека, колку што љубителите и тимот на серијата сакаат нови епизоди, тоа не е добра идејата, пренесува Кликс. Според него, новите епизоди не би биле добри како веќе снимените девет сезони. 

Голем број обожаватели веруваат дека серијата го изгуби својот шарм по седмата сезона, кога Карел официјално ја напушти својата улога и се посвети на други проекти. 

“Не е невозможно. Дефинитивно не е невозможно. Би сакал да бидам вклучен во такво нешто, но во моментов работам на други проекти”, кратко прокоментира Даниелс, додавајќи дека сè уште нема конкретни планови за снимање.