Колку минути на ден се доволни да се движите: Веројатно помалку отколку што мислите

Една нова студија, објавена во British Journal of Sports Medicine, открива дека научниците претходно погрешиле во проценката колку физичка активност е всушност доволна во текот на денот – сето тоа затоа што самите учесници во студијата генерално погрешно ги следеле активностите. 

Со малку поинаков пристап, истражувачите во Норвешка ја засноваа својата студија врз снимање на резултати од уреди за следење активност, кои мерат различни здравствени параметри на учесниците.

Така, дошле до заклучок дека оние кои вежбаат 35 минути на ден имаат значително подобри резултати од оние кои не вежбаат. 

Од друга страна, дури и кај оние учесници кои имале само 11 минути физичка активност во текот на денот (умерено вежбање слично на брза прошетка), биле забележани позитивни ефекти, пренесува CNN. 

Навистина, 11 минути, секој од нас може да се „натера“ да вежба или да излезе надвор и само малку да го зголеми темпото при одење. Значи, ако сте биле загрижени дека не сте во одлична форма – нема потреба од тоа.