Млади внимавајте: алкохолот дебелее повеќе од брза храна

Тим од канадски истражувачи ги објави резултатите од студијата според која тинејџерите и младите кои пијат алкохол имаат значително поголеми шанси да стават вишок килограми. 

Новите податоци доаѓаат од Универзитетот Ватерло во Онтарио и тие тестирале средношколци од 89 училишта кои пополнувале анонимни анкети.

Меѓу прашањата било и колку често тие пијат алкохол. Дури 39 проценти од средношколците признале дека пијат најмалку еднаш месечно, што вклучува најмалку пет алкохолни пијалоци за време на излегувањата, а 11 проценти толку пијат најмалку еднаш неделно. Целиот тој алкохол се претвора во дополнителни калории, а слатките алкохолни пијалоци имаат повеќе калории. 

Потоа, врз основа на податоците (каков алкохол консумираат – пиво, вино, алкохолни пијалоци и што јадат), тие ги пресметале просечните калории или килограмите што би можеле да ги добијат како вишок. На пример, оние кои пиеле вотка еднаш неделно, годишно би внеле 57.000 калории повеќе од оние кои не пиеле, што значи дека се здебелиле до 7,5 килограми.

Ова е едно од првите студии кои се однесуваат специјално на вишокот килограми и дебелината кај младите, а се поврзани со алкохолот. Едно од пет деца во Америка и 30 проценти од Канаѓаните се дебели или имаат значително зголемување на телесната тежина. Претходните истражувања се фокусираа главно на тоа колку додатоците и шеќерите во дневната исхрана влијаат на дебелината.