Нумеролозите посочуваат дека на 1 јануари вреди да се прават следниве работи што можат да ви донесат среќа во текот на целата година:
1.Не го поминувајте целиот ден во пасивна состојба, туку започнете ја годината со активности кои ве водат кон остварување на вашите соништа. На пример, ако вашата новогодишна одлука е да стекнете здрави навики, направете мени за наредните 7 дена, згответе си здрав оброк, побарајте нови рецепти, вежбајте и шетајте во природа.
- Започнете да ја ширите енергијата на љубов во текот на првиот ден од новата година. Честитајте им ја Новата година на сите драги луѓе и разговарајте со нив за нивните новогодишни резолуции. Држете се настрана од негативните теми и фокусирајте се само на убави работи за време на разговорот.
- Донесете барем една здрава навика во текот на овој ден што ќе ви помогне да го постигнете она што го сакате. На пример, започнете да учите странски јазик, избегнувајте слатки или простете му на лицето кое ве повредило. Важно е да започнете нешто добро на овој ден.
- Откажете се од една лоша навика. Мотивирајте се уште на самиот почеток на годината да отфрлите сè што повеќе не ви носи корист, туку напротив, ви штети.
- Напишете ги вашите мисли и желби во дневник или започнете да водите дневник за благодарност во кој ќе ги запишувате работите за кои сте благодарни на дневна основа.
- Започнете со планирање на буџет. Размислете од какви трошоци се ослободувате, како можете да заштедите и да ги зголемите приходите. Направете детална финансиска стратегија.
- Започнете да се занимавате со старо и заборавено или некое ново хоби. Проширете ги вашите интереси.
- Помалку социјални мрежи, повеќе книги. Направете список на книги што сакате да ги прочитате во 2021 година.
Ви посакуваме среќна, мирна и благословена нова година!
