Обидете се со оваа техника на дишење кога ќе се најдете во стресни ситуации
Во стресни ситуации, можеме лесно да паничиме. Ова неконтролирано чувство на страв е придружено со разни физички симптоми како што се забрзано чукање на срцето, отежнато дишење, вртоглавица, гадење и многу други.
Најбрзиот и најлесен начин да ја смирите паниката е да дишете.
Имено, физичките симптоми често се резултат на фактот дека поради стравот едноставно забораваме да издишеме воздух кој потоа се акумулира во горниот дел на респираторниот систем и го попречува нормалното дишење.
Постои едноставна техника што може да ви помогне да го регулирате дишењето, да го вратите во нормала и да се смирите во стресна ситуација.
- Броите до пет со бавно темпо додека длабоко вдишувате.
- Кога ќе изброите до пет, држете го воздухот и потоа во себе броите до четири
- Потоа полека издишете низ носот додека броите до пет.
Оваа техника се користи за смирување при напади на паника и вознемиреност, но ќе ви помогне во сите ситуации каде чувствувате голема напнатост и стрес.
