Тинејџерите оптеретени од тоа што другите мислат за нив!

Современото време и современите технологии го наметнаа и ова. 

Во телото на тинејџерите има интензивни реакции во моментот кога веруваат дека некој ги гледа, бидејќи им е грижа што другите мислат за нив, особено нивните врсници. До овој заклучок дојде тим експерти кои следеле 69 волонтери на возраст од 8 до 23 години.

– Резултатите покажаа дека адолесцентите имаат самосвесна емоционална реакција кога некој ги набљудува или кога мислат дека се набљудувани – изјави водачот на студијата, Лиа Самервил. 

Истражувачите откриле дека во овие ситуации постои поголема врска помеѓу двата дела на мозокот – медијалниот префронтален кортекс и стриатумот. 

Првиот е одговорен за регулирање на емоционалните состојби, а вториот е одговорен за однесување и дејствување. 

Според Самервил, тоа е одговорот на прашањето зошто тинејџерите честопати се впуштаат во ризично однесување, особено кога се во друштво на своите врсници.