Го прекршил карантинот на осум секунди, казнет со 3.500 американски долари

Тајванските власти казнија Филипинец со 3.500 американски долари за кршење на карантинските мерки за коронавирус за само осум секунди. 

Станува збор за филипински печалбар кој бил во карантин во хотел во градот Каосиунг. Тој накратко ја напуштил просторијата во ходникот, што било забележано од надзорните камери. 

Видеото го виделе вработените во хотелот кои контактирале со здравствениот секретаријат, објави агенцијата CNA.

Според правилата за карантин во Тајван, луѓето не смеат да ги напуштаат просториите каде што престојуваат во карантин, без оглед колку трае тоа излегување. 

Тајван бележи добри резултати во борбата против пандемијата, иако не воведе строги мерки или ограничувања. 

Според универзитетот Џонс Хопкинс, островот со 23 милиони жители регистрирал само 716 случаи на коронавирус и седум смртни случаи.