НБА дозволи консумирање марихуана

НБА им дозволи на своите кошаркари да пушат марихуана, бидејќи нема да се прави повеќе тестирање на оваа супстанца. 

Во сегашниот договор помеѓу Здружението на играчи и НБА-лигата, употребата на марихуана е забранета, па затоа се спроведуваа тестови пред секој натпревар. Сепак, раководството на НБА-лигата веќе нема да прави тестови на оваа популарна психоактивна супстанца.

Оваа одлука е донесена поради правилата за безбедност на играчот во услови на пандемија. 

Ова значи дека целта на донесувањето на оваа одлука е да се спроведе помалку тестирање, што би ги намалило непотребните контакти на луѓето кои вршат тестирање со самите играчи. 

Ваквите правила беа применети и во „меурот“ за време на крајот на претходната сезона од НБА лигата во Орландо минатото лето.