Сите погледи се насочени кон Виена: Познат е диригентот и времето, но ништо друго!

Датумот 1 јануари, 11:15 часот за сите љубители на класичната музика во светот традиционално е резервиран за познатиот виенски новогодишен концерт. 

Секоја година, Виенската филхармонија го организира овој настан. Оваа година, и покрај пандемијата на корона вирусот, концертот треба да се одржи – дали со публика или без неа, сè уште не е познато. Како ќе се организира концертот не може да се каже во овој момент.

А, диригент? 

Она што е сигурно е дека ќе има концерт и дека диригент по шести пат ќе биде Рикардо Мути. 

Програмата на новогодишниот концерт традиционално вклучува композиции од династијата Штраус и нивни современици, врвни интерпретации на валцери, полки и маршеви.

„Штраус ќе биде на репертоарот“

Зградата каде се одржува концертот се смета за центар на класичната музика во Виена. Големата сала, наречена „Златна сала“, не е само една од најубавите, туку и акустично најдобри сали во светот. 

Салата изградена во антички стил е украсена со бројни цветни аранжмани специјално изработени за новогодишниот концерт. Столбовите, каријатидите и сводовите на салата асоцираат на вистински музички храм.

Најпознатиот концерт во светот се емитува во 90 земји низ светот.