Мистериозен монолит се појави на планина во Калифорнија

Нов мистериозен монолит се појави на врвот на една планина во Калифорнија, само една недела откако истиот предмет се појави во пустина во Јута, пред луѓето да го уништат.

Локалните весници од блискиот град Атаскадеро, на централниот дел на брегот на Калифорнија, објавија за новиот монолит, овој пат на планината Пејн, каде десетици планинари дојдоа да го видат мистериозниот предмет, објави Гардијан.

“Изгледа дека монолитот е изработен од не’рѓосувачки челик, висок е повеќе од три метри и широк 45 сантиметри. Објектот е заварен на секој агол, со завртки што ја прицврстуваат челичната рамка внатре. Монолитот е нестабилен и може да се движи”, пишува весникот Атаскадеро.