Дали појадокот е најважниот оброк?

Иако многу пати сме чуле дека нешто треба да се јаде наутро, појадокот не е најважниот оброк во денот. 

Без разлика дали ќе го јадете или ќе го прескокнете, ќе ви биде исто, ниту ќе се здебелите, ниту ќе изгубите тежина. Тврдењето дека појадокот е најважниот оброк во денот не е докажано со научни истражувања.

Самата идеја дека прескокнувањето појадок ќе предизвика да внесеме повеќе храна за време на ручекот или вечерата е неточна. Исто така, никаде не е докажано дека луѓето кои не пропуштаат појадок, ручек или вечера се поздрави од оние луѓе кои имаат само еден оброк на ден.

Д-р Џејмс Бејтс, предавач по нутриционизам на Универзитетот во Лондон, направи интересно истражување во кое на своите испитаници им давал различни задачи. Еден од резултатите од истражувањето е дека конзумирањето појадок нема никакво влијание врз нашето расположение или врз тоа да бидеме попаметни. 

Професорот по психологија Питер Роџерс, од Универзитетот во Бристол, кој ја заврши својата специјализација во областа на исхраната, изјави дека многумина од нас можат да јадат помалку и дека појадокот е најлесниот оброк за прескокнување. Важно е да се нагласи дека дури и оние луѓе кои сметаат дека е најдобро да појадуваат овошје за појадок не се во право, бидејќи всушност фруктозата помага да се создадат масни наслаги во организмот.