Игор Трпчески – македонски претставник на Европското слем-првенство на 4 и 5 декември
Игор Трпчески – македонскиот претставник на Европското слем-првенство На 4 и 5 декември 2020 година, ќе се одржи седмото по ред Европско слем-првенство. Годинашниот македонскиот претставник е огранизаторот на традиционалниот Национален поетри-слем натпревар во Прилеп, Игор Трпчески. Европското слем-првенство ќе се случува во два дена. Првиот ден, на 4 декември 2020 година, во две полуфиналиња и со почеток во 17 ч. и 20 ч. ќе бидат претставени сите натпреварувачки и натпреварувачи од 19 земји од Европа: Франција, Литванија, Русија, Грција, Чешка, Србија, Словенија, Словачка, Финска, Естонија, Кипар, Белгија, Португалија, Данска, Шпанија, Унгарија, Хрватска и Ирска редоследно. Македонскиот претставник ќе настапува четврти по ред во второто полуфинале од 20 ч. Наредниот ден, на 5 декември 2020 година, недела, со почеток во 20 ч. ќе се случи финалната вечер. Оваа година домаќин на Европското слем-првенство е градот Марибор во Словенија, а организатор е Младинскиот културен центар во Марибор во коорганизација на СиСлем – Словенечката мрежа за слем-поезија. Поради вонредните услови на пандемија, настанот ќе се случува онлаин со директен пренос на Фејсбук-страницата и ЈуТјуб-каналот на МКЦ Марибор, а настапите ќе се проследат како слем-видеа. Настанот ќе го модерираат Мојца Фрим и Јуш Милчински, а сценариото го подготви Нина Медвед во соработка со Петра Колманчиќ, кои се јавуваат како извршни продуцентки на првенството. Меѓународното жири го сочинуваат слем-поетесата Елена Пренџова од Македонија, поетот и критичар Денис Шкофиќ од Словенија, поетот и организатор на слем-настани Марио Томиќ од Австрија и поетот-изведувач Јан Малин од Естонија. Со еден глас ќе придонесе и онлаин публиката. Комисијата на првенството го сочинуваат рап-музичарот и слем-поетот Мишел Ристов и поетесата и критичарка Хелена Земљиќ. Победникот/победничката ќе добие специјален пехар, уметничка скулптура од Јоже Шубиц, овогодинешниот добитник на Наградата за животно дело на Словенечката мрежа на друштва за визуелни уметности. Директен пренос во живо ќе има и на Фесбук-страницата на национални слем-друштва од 6 земји, меѓу кои, со гордост најавуваме и на Македонија (останатие се: Естонија, Словачка, Грција, Кипар и Чешка). Ја покануваме јавноста од нашата земја да ни се придружи на забавата и да гласа! Да, можете да гласате и за македонскиот претставник Игор Трпче! Коментарите од ФБ-страницата на Поетри-слем Македонија https://www.facebook.com/
