Зошто јадеме кога ни е досадно? И за тоа има решение

Некогаш јадеме повеќе, некогаш помалку. Сепак, треба да се избегнува дневно внесување на големи количини храна, особено кога тоа го правиме од досада. Истражувањата покажуваат дека трошиме повеќе калории во текот на зимата отколку во другите годишни времиња.

– Може да станува збор за монотонија или желба за грицкање кога гледате филм или серија, a може да има многу поголем проблем како што се депресија, анксиозност или лошо расположение – истакнува Ребека Мек Манамон.

Нејзината колешка Баха Ван де Бор вели дека јадењето од досада не е толку лошо, но не треба да се практикува често. Тогаш најмногу јадеме слатки или мрсна храна.

Експертите откриваат зошто јадеме од досада и како тоа да го разликуваме од вистинската глад.

– Честопати жедта се заменува со глад. Кога ќе завршите со оброкот, посегнете по пијалок. Ова ќе ви помогне да разберете дали вашата желба за јадење е стимулирана од глад, жед или досада.

Тие се согласуваат дека нема ништо лошо понекогаш да јадеме од задоволство, но ако секој ден посегнувате по храна штом имате малку слободно време, тоа не е добро, ниту здраво. Обидете се да го намалите ова и гледајте да имате секогаш при рака здрави закуски за да не внесувате премногу шеќер и лоша храна. Секогаш јадете овошје, протеински чоколатца, ореви, бадеми, лешници и семиња. Ќе ве заситат, а се здрави.