Модернa бара итно одобрување за својата вакцина

Модерна стана втора американска компанија што ги објави конечните резултати од големата студија за својата експериментална вакцина против коронавирус, наведувајќи дека ефикасноста на нејзината вакцина е 94,1 процент.

Компанијата денес ќе побара одобрување за итна употреба од американската Администрација за храна и лекови (ФДА) и условно одобрување од Европската унија, пренесува Ројтерс.

Анализата на компанијата се заснова на 196 случаи на Ковид-19, од кои 185 добиле плацебо, а 11 вакцина.

Како што се наведува, во групата луѓе кои примиле плацебо имало 30 тешки случаи, а ниту еден не бил евидентиран меѓу оние кои ја примиле вакцината.

Стапката на успех е малку пониска од резултатите од привремената анализа од 94,5 проценти, но Модерна изјави дека разликата е „статистички незначителна“.

Пред Модерна, компаниите Pfizer и Biontek објавија дека нивната вакцина е 95% ефикасна