Возрасните треба да вежбаат најмалку 150 минути неделно
Сите возрасни лица треба да имаат најмалку 150 минути енергична физичка активност неделно, што е уште поважно за благосостојбата и менталното здравје за време на епидемијата на коронавирус, објави Светската здравствена организација (СЗО).
Се препорачува децата и адолесцентите да имаат просечно еден час физичка активност дневно.
На бремените жени и мајки по породувањето им се препорачуваа од 150 до 300 минути умерена до силна физичка активност неделно, а на оние над 65 години им се препорачува да вежбаат за зајакнување на мускулите и активности насочени кон рамнотежа и координација, објавено е на веб-страницата на СЗО.
Како што е наведено, зголемувањето на физичката активност не само што помага во спречување на срцевите заболувања, дијабетес тип 2 и рак, туку исто така ги намалува и подобрува симптомите на депресија и анксиозност.
СЗО предупредува дека секој четврти возрасен и четири од пет адолесценти немаат доволно физичка активност и посочува дека зголемувањето на физичката активност годишно може да спречи и до пет милиони смртни случаи годишно.
