Големиот план на Англичаните за враќање на навивачите на натпреварите во Премиер лигата по Божиќ

ЕСПН соопшти дека се одржал состанок на претставниците на Премиер лигата, на Фудбалскиот сојуз на Англија и другите пониски лиги, како и носителите на ТВ права, на кој се зборувало за враќање на публиката на стадионите.

Планот е публиката да се врати на стадионите по Божиќ, бидејќи Велика Британија ќе излезе од карантин во кој се наоѓа целата земја до 2 декември.

Сè уште не е познато како точно ќе изгледа системот на доаѓање на стадионите, но се наведува дека ќе има неколку нивоа на контрола и заштита, како и дека стадионите сигурно нема да бидат отворени за јавноста со полн капацитет дури и кога ќе биде дозволено присуство на навивачите.