ТВОРЕЦОТ НА ВАКЦИНАТА ПРОТИВ КОРОНА ОТКРИ КОГА ЖИВОТОТ ЌЕ СЕ ВРАТИ ВО НОРМАЛА!

Ефектот на вакцината против Ковид-19 ќе се почувствува позначајно во текот на претстојното лето, а животот треба да се врати во нормала до следната зима, рече еден од нејзините креатори, професорот Угур Сахин.

Коосновачот на БиоНТек, Сахин, смета дека оваа зима ќе биде тешка бидејќи вакцината нема да има големо влијание врз бројот на ново заразени, објави Би-Би-Си.

Тој рече дека, ако работите продолжат да се развиваат добро, вакцината треба да започне да се дистрибуира на крајот на оваа и почетокот на следната година.

„Нашата цел е да испорачаме повеќе од 300 милиони дози на вакцини ширум светот до април следната година, што треба да биде почеток на поголем ефект на вакцините врз ширењето на пандемијата“, рече Сахин.

Тој изјави дека поголема ефикасност на вакцините ќе се почувствува подоцна.

„Летото ќе ни помогне, бидејќи стапката на инфекција ќе падне на лето, а она што е апсолутно неопходно е да се добие висока стапка на вакцинација до или пред есен/зима следната година“, истакна Сахин.

Според него, од клучно значење е вакцинацијата да заврши пред есента следната година.