Хамилтон ја освои 7-та шампионска титула!

Кој би рекол? Луис Хамилтон се изедначи со Михаел Шумахер по бројот на освоени шампионски титули – седум (7).

Хамилтон стана светски шампион по седми пат, на трката за Големата награда на Турција на патеката „Истанбул парк“, дизајнирана од славниот Херман Тилке.

Луис ја започна трката како шестопласиран, но уште еднаш Мерцедес покажа зошто е најдоминантен тим во Формула 1, особено кога станува збор за инженери и луѓе задолжени за тактика. 

Хамилтон запиша нова победа во овогодинешниот шампионат, 94-та во кариерата, и што е уште поважно, стана светски шампион и се изедначи со Михаел Шумахер.

Честитки за Луис Хамилтон, Тото Волф и сите луѓе вработени во тимот на Мерцедес Ф1.