Колку Pfizer ќе заработи од вакцината?

Pfizer и партнерската компанија BioNTech изјавија дека нивната вакцина е близу до производство.

Се проценува дека тие две фармацевтски компании би можеле да заработат скоро 14 милијарди долари од продажбата на вакцината во 2021 година.

Дамиен Коновер, директор за здравствено истражување и стратегии за капитал во Морнингстар, изјави дека пресметката на неговата компанија е направена според буџетот дека Pfizer ќе направи милијарда дози од вакцината и дека ќе биде одобрена ширум светот во првиот квартал на 2021 година

Според него, фармацевтскиот гигант ќе и наплати на американската влада околу 39 американски долари за две дози вакцина, врз основа на договорот што Pfizer го има со американската влада, додека правењето на вакцината ќе чини околу 15 американски долари.

Вакцината на Pfizer ќе мора да се чува на температура од минус 70 степени, а многу болници немаат фрижидери што ја намалуваат температурата толку ниско.

„Значи, ќе има профит и за тоа, но мора да ги вклучите трошоците за дистрибуција и некои други ставки“, изјави Коновер.

Владата на САД има договор со Pfizer во првиот круг на вакцината од 100 милиони дози да плати 1,95 милијарди долари, за граѓаните кои ќе ја примаат вакцината бесплатно.

Коновер заклучи дека вакцините, генерално, „чинат помалку од брендираните лекови“, а The New York Times напиша дека вакцините се релативно ефтини, со оглед на нивната вредност и чинат околу 50 долари во просек.