Тапанарот на Металика објасни кога ќе знаеме дека пандемијата е минато

Прашањето над сите прашања, откако започна пандемијата на коронавирусот, е кога животот ќе се врати во нормала, па дури и најдобрите светски научници не го знаат одговорот.

Секој очекува да види некаков „знак“ што ќе ни покаже дека сè е како што треба. Каков знак може да биде тоа, рече тапанарот на групата Металика, легендарниот Ларс Улрих во своето гостување на самитот Еволв.

Како што вели, само кога бендови како Металика ќе можат да одржат концерти пред 50 000 луѓе, ќе знаеме дека работите се вратиле во нормала, а дотогаш сè ќе биде многу неизвесно.

Тој исто така потенцираше дека сепак може да се одржи некаков ред на спортските настани, но кога станува збор за десетици илјади луѓе кои често се под дејство на алкохол, јасно е дека не може да се спроведат никакви епидемиолошки мерки.

Улрих посочи дека сè уште постои можност некои летни фестивали и концерти на отворено да бидат организирани во средината на следната година, но дека веројатно ќе трае најмалку уште една година до целосно враќање на животот во нормала.