Путин: Сите руски вакцини против корона се ефикасни

Рускиот претседател Владимир Путин изјави дека сите руски вакцини против Ковид-19 се ефикасни и најави дека Русија наскоро ќе ја регистрира третата вакцина против коронавирус, објави РИА.

Путин изјави дека Москва е подготвена да соработува со сите други земји во врска со прашањето за вакцина против коронавирусот, но тој исто така повика овие процеси да не се политизираат, објави Ројтерс.

Изјавата на Путин дојде еден ден откако производителите на вакцини Pfizer и BioNtech соопштија дека нивната вакцина против коронавирусот е ефикасна повеќе од 90 проценти.