Во Белгија веќе се произведува вакцина против коронавирус

Белгија е едно од двете места каде веќе се произведува вакцината на фармацевтските компании „Фајзер“ и „Бајонтех“ против ковид 19.

Освен Антверпен, каде се наоѓа седиштето на Фејзер во Европа, вакцината се произведува и во државата Мичиген во САД.

„Веќе произведовме стотици илјади дози на двете локации“, потврди Коен Колперт од белгиската компанија Фајзер за локалните медиуми. Американскиот „Фајзер“ и германскиот „Бајонтек“, по прелиминарните анализи во рамките на третата фаза од испитувањето, објавија дека нивниот кандидат за вакцина против корона вирусот има „90 процентна ефикасност“, што беше утврдено „седум дена по приемот на втората доза“.

Вакцината сè уште чека „зелено светло“ од здравствените власти, а „Фајзер“ и „Бионтех“ најавија дека планираат да испорачаат 1,3 милијарди дози во текот на 2021 година.
Европската комисија е во преговори со овие компании околу договорот за испорака на 300 милиони дози за земјите-членки.