Трамп „растури“ на Твитер: Ја криеја вакцината за да не победам
Американскиот претседател Доналд Трамп повторно твиташе, овој пат со обвинувања дека се криела веста за ефикасноста на вакцината против коронавирусот за да не победи на изборите.
Имено, како што објави во новата серија твитови, компанијата Pfizer и другите само чекале да завршат изборите за да го објават откривањето на ефикасната вакцина против коронавирус.
„Тие немаа храброст да го сторат тоа порано“, напиша Трамп, додавајќи дека американската Агенција за борба против дрогата требало тоа да го објави порано „не од политички причини, туку за да може да се спасат животи“.
Тој додаде дека споменатата агенција и Демократската партија не сакале „да забележат победа со откривањето на вакцината, туку чекале пет дена тоа да го објават“.
Како што се очекуваше, Трамп го допре (идниот претседател) Бајден.
“Да беше Бајден претседател, немаше да имате вакцина уште четири години, ниту ФДА ќе ја одобруваше толку брзо. Бирократијата ќе уништеше милиони животи”, напиша тој.
Трамп, се разбира, не застана тука. Тој ги нападна и медиумите затоа што, како што напиша, „прогнозата на изборните резултати била толку лоша што всушност претставувала мешање во изборите и тие треба да бидат повикани поради тоа“.
Трамп сподели и неколку видеа од неговата нова омилена ТВ мрежа – Newsmax, како и неколку линкови кои зборуваат за „изборна кражба“.
