Жена ден по ден ги опиша симптомите пред нејзиниот тест да покаже дека е позитивна на Ковид-19
Кели Холмс, двократната олимписка шампионка имала голем број симптоми пред да се открие дека е позитивна на коронавирусот.
Поранешнaта атлетичарка водела евиденција за симптомите сите седум дена пред да се тестира за коронавирус.
Холмс, која освои злато на 800 и 1500 метри во Атина во 2004 година, на Инстаграм објави како се чувствувала поради коронавирусот, со сите симптоми кои вклучуваат главоболка, болки во телото и целосно губење на вкусот.
50-годишната Холмс се изолирала откако била на одмор и признава дека поради болеста „никогаш не лежела толку долго“.
„Еден ден насмевка, друг ден ковид“, објави Холмс на социјалните мрежи, објавувајќи и селфи од нејзиниот неодамнешен одмор.
„ Ден 1 – воспалено грло – страшна главоболка.
Ден 2 – полошо + болка во телото, стегање во градите.
Ден 3 – полошо полошо + тест.
Ден 4 – лоша главоболка, изгубен мирис.
Ден 5 – полошо, позитивен резултат плус губење на вкус!
Ден 6 – омалаксана, стегање во градите, главоболка. Навистина ми се врти во глава.
Ден 7 – главоболка, вртоглавица, замор, лесна кашлица, сè уште нема вкус и мирис.
“За среќа, имам 26-дневен предизвик „да не јадам чоколадо“ затоа што во спротивно ќе бев изгубенa !!!
“Официјално сум “коронирана”. Никогаш не сум била болна толку долго”.
Холмс, која исто така е и поранешен инструктор во британската армија, додава: „Знаете дека имате коронавирус кога вашата паста за заби, сирење, путер од кикирики и намазот од квасец имаат ист вкус – никаков !!!“
