НБА од декември? Има сè помалку време

НБА лигата и НБПА (Кошаркарската унија) не можат да се договорат за почетокот на сезоната 2020/2021.

Челниците на лигата би сакале тоа да биде на 22 декември, но кошаркарите сакаат натпреварите да започнат кон средината на јануари, поточно на денот на Мартин Лутер Кинг.
НБА има план да се одиграат 72 натпревари + плејофот и да заврши сè пред Олимпијадата, бидејќи не сакаат да се натпреваруваат во поглед на гледаноста со најголемиот спортски настан на планетата.

Но, голема моќ имаат и играчите кои сметаат дека е рано да се започне на 22 декември, имајќи предвид дека натпреварувачкиот дел од минатата сезона заврши на почетокот на октомври.
Тоа исто така значи дека тренинг камповите ќе треба да започнат на 1 декември, а тоа не се вклопува во планот на најдобрите играчи во светот.

Од НБА сметаат дека ќе изгубат помеѓу 500 и 1 милијарда долари ако сезоната започне во средината на јануари.

Денот Д за конечната одлука е 6 ноември.