Големо истражување за маските кое „никој не е доволно храбар да ги објави“

Голема студија за ефикасноста на маските е спроведена во Данска на повеќе од 6.000 луѓе, но авторите, дански лекари, велат дека никој не е доволно храбар да ги објави.
Студијата истражуваше колку маските се ефикасни во заштитата од корона вирусот и беше спроведена во април. Според авторите, тие го понудиле на многу научни списанија, но биле одбиени.

Половина од учесниците во истражувањето еден месец носеле маски, додека другата половина не. Потоа биле тестирани за корона вирусот и антитела.

Авторите на студијата не сакаат да зборуваат за нејзините резултати, но тврдат дека реномирани научни списанија, како што се The Lanset, New England Journal Of Medicine или American Medical Association Journal, не сакале да го објават, не затоа што е лошо спроведено или затоа што нејзината методологија не била добра, туку поради нејзините резултати.

„Не можеме да зборуваме за тоа од што не беа задоволни. За да го сториме тоа, треба да ги објавиме резултатите до кои дојдовме. А тоа не го сакаме, додека студијата не се објави“, изјави Кристијан Торп-Педерсен, професор и раководител на одделот за истражување во болницата North Zealand во Данска.

Новинар на New York Times, објави меил кој го добил од Томас Ларс Бенфилд, професор на Универзитетот во Копенхаген и еден од авторите на студијата, кој на прашањето кога ќе биде објавена студијата, одговора „кога едно списание ќе биде доволно храбро да ја објави “.

Од почетокот на пандемијата на коронавирусиот, се води научна дебата за тоа колку заштитуваат маските, а многу здравствени власти во различни земји го сменија мислењето, вклучувајќи ги и оние од Светската здравствена организација.