КОНЕЧНО ПОЗНАТ ДАТУМОТ! Еве кога ќе ја добиеме вакцината против корона вирусот!

Директорот на американскиот Национален институт за здравство, Френсис Колин, изјави дека американската вакцина против коронавирусот најверојатно ќе биде регистрирана до крајот на ноември.

– Малку е веројатно дека тоа ќе се случи пред крајот на ноември, со оглед на стандардите што мора да се почитуваат. Тоа ќе биде вакцина што е тестирана според најстрогите стандарди за безбедност и ефикасност – рече Колинс, пренесува CNN.

Запрашан да ги коментира нападите на американскиот претседател Доналд Трамп врз директорот на Институтот за алергологија и инфективни болести, Ентони Фаучи, Колинс го поддржа својот колега, истакнувајќи дека тој е најценетиот инфектолог во светот, во кого има голема доверба. Тој исто така предупреди дека САД никогаш не излегле од првиот бран на вирусот, што особено го зафати Њујорк, а како доказ за тоа го наведе и фактот дека бројот на пациенти никогаш не паднал на нула. Како причина за тоа, Колинс ја наведе неуспешната презентација на ефикасни јавни здравствени мерки,  како што се задолжително носење маски, социјално дистанцирање и миење раце, и посочи дека семејствата не треба да се собираат за Денот на благодарноста.