Суперкомпјутер откри важен податок во врска со Ковид-19 (ВИДЕО)

Јапонски научници користеа супер компјутер за да симулираат емисија и проток на ситни честички (аеросоли) на заразени луѓе во различни затворени простори. Резултатите покажаа дека влажноста може да има големо влијание врз намалувањето на ширењето на честичките на вирусот, така што ова откритие може значително да го намали ризикот од инфекција во зимските месеци.

Супер компјутерот покажа дека употребата на овлажнувачите на воздухот можат да го ублажат ширењето на инфекцијата во услови кога не е можно редовно проветрување на просториите со отворање прозорци, покажува заедничка студија спроведена од Рикен и Универзитетот во Кобе.

Научниците го користеа супер компјутерот Фугаку за да симулираат емисија и проток на ситни честички (аеросоли) на заразени луѓе во различни затворени простори.

Влажноста на воздухот под 30 проценти, повеќе од двојно ја зголемува количината на аеросол во споредба со влажноста на воздухот од 60 проценти или повеќе, покажале симулациите.
Студијата понатаму покажала дека визирите не се толку ефикасни како маските во спречување на ширењето аеросоли.

Истражувачкиот тим предводен од Макото Кубокура претходно го користеше суперкомпјутерот Фугаку за симулирање на инфекција со коронавирус во возови, работни места и училници.