Ако Трамп продолжи така, на Американците не им се пишува добро

Водечкиот американски епидемиолог Ентони Фаучи изјави дека Соединетите држави ќе се соочат со многу тешкотии доколку претседателот Доналд Трамп продолжи да поддржува не носење маска.

Пораката на Фаучи беше испратена непосредно пред претседателот Трамп да го одржи првиот јавен собир на неговите приврзаници на Флорида откако ја напушти болницата каде се лекуваше од корона вирусот. Трамп не носеше маска на тој митинг и викаше дека ќе ги бакне сите. Покрај тоа, тој фрлаше маски во толпата.

„Стапката на заболени во САД во моментов варира од 40.000 до 50.000 на ден, и нашата земја не е добро место за живеење сега кога пред нас е постудена есен и студена зима“, рече д-р Фаучи во интервју за CNBC, објави Ројтерс.

Анализата на предизборното истражување покажа дека противкандидатот на Трамп, демократот Џо Бајден, во моментов е во подобра позиција во анкетите за јавното мислење од кој било кандидат од 1936 година, кога започнаа да се спроведуваат анкети засновани врз нова, научна методологија на истражувања, објави CNN.

Според резултатите од истражувањето објавено во неделата од страна на ABC News и Washington Post, Бајден има поддршка од 55%, а Трамп 43% од испитаниците, објави CNN.
Д-р Ентони Фаучи за CNN изјави дека изборниот штаб на претседателот Доналд Трамп злоупотребил една од неговите изјави за Fox News и ја излажал јавноста.
Во една статија што сугерира дека д-р Фаучи зборува за претседателот Трамп, американскиот експерт, меѓу другото, ја изговара реченицата – „… Не можам да замислам дека некој може да направи повеќе“.

Сепак, д-р Фаучи зборуваше за себе и неговите соработници, а не за претседателот Трамп, со кого претходно имаше несогласувања во врска со пристапот кон борбата против епидемијата на корона вирусот.

Д-р Фаучи ја нарече ситуацијата „несреќна и разочарувачка“.

Извор: b92.net