Ибрахимовиќ и понатаму позитивен на Ковид-19

Напаѓачот на Милан, Златан Ибрахимовиќ и понатаму е позитивен на Ковид-19, објави италијанскиот „Скај Спорт“.

Освен Ибрахимовиќ, и Лео Дуарте повторно имаше позитивен тест. Во Милано се тестираа фудбалери кои не заминаа на репрезентативните собири, а позитивни се само Ибрахимовиќ и Дуарте.

Милан ќе игра дерби против Интер на 17 октомври, а прашање е дали Ибрахимовиќ ќе биде подготвен за тој натпревар.

Веста дека Ибрахимовиќ е позитивен пристигна на 24 септември, но 39-годишниот Швеѓанец сè уште не се опорави.

“Вчера бев негативен, а денес сум позитивен. Сепак, немам никакви симптоми. Ковид-19 имаше храброст да ме предизвика. Лоша идеја”, напиша Ибрахимовиќ на Твитер откако дозна дека е позитивен.