СЗО: Пандемијата на вирусот корона го загрозува менталното здравје на луѓето

Работата на службите за помош на ментално болни лица е нарушена насекаде во светот поради пандемијата на коронавирусот, а се очекува вирусот дополнително да го загрози менталното здравје на луѓето, објави Светската здравствена организација (СЗО).

Според СЗО, работата на службите за помагање на ментално загрозените лица, работи со полн капацитет во само 7% од 134 анкетирани земји, додека во дури 93% од анкетираните земји имаат различни проблеми кои ја попречуваат редовната работа на психијатриските институции, објави Ројтерс.

Дополнително финансирање на институциите за ментално здравје се обезбедени во само 17% од анкетираните 134 земји со цел да се одговори на зголемениот број случаи на ментални нарушувања за време на пандемијата.

– Врз основа на прелиминарните информации дека ќе дојде до зголемување на бројот на лица со ментални или невролошки нарушувања и оние кои користат наркотични средства, а на кои ќе им биде потребна стручна помош, нашата задача е да обезбедиме професионална помош за сите земји доколку имаат потреба. Побогатите земји подобро ќе одговорат на овој проблем – изјави Девора Кастел, директор на Управата за ментално здравје на СЗО.

Извор: telegraf.rs