Ема Корин “плукната” принцезата Дијана

Објавени се првите фотографии од четвртата сезона на хит серијата “Crown” на Нетфликс, која фановите со нетрпение ја очекуваа поради фактот што во епизодите што следуваат ќе се појават многу нови ликови, меѓу кои и принцезата Дијана.
Новата сезона на серијата го опфаќа периодот од крајот на 70-тите, а личности кои ја одбележаа оваа епоха во Велика Британија се секако Маргарет Тачер и Дијана Спенсер.

Улогата на Челичната лејди ја игра Џилијан Андерсон, позната по улогата на агентката Скали од „X-Files“, а сличноста меѓу неа и првата жена премиер во Велика Британија е навистина голема, особено со препознатливата натапирана коса и костумите што беа заштитен знак на Тачер.

Гледачите исто така ќе имаат можност за прв пат да ја видат Ема Корин како Дијана, а според коментарите под последните фотографии може да се заклучи дека 24-годишната актерка е вистинскиот избор за улогата на младата принцеза. Фановите се воодушевени од сличноста, фризурата и облеката и коментираат дека Ема може да “помине” и како ќерка на Дијана.

Во четвртата сезона на серијата “Crown”, кралицата Елизабета Втора и нејзиното семејство се грижат за продолжување на кралската “лоза” наоѓајќи соодветна невеста за принцот Чарлс, кој сè уште е сам на 30 години. Исто така се дискутира за напнатата врска меѓу кралицата и Маргарет Тачер, која се влоши откако премиерката ја воведе земјата во Фокландската војна.

Во улогата на Елизабета Втора, повторно ќе ја видиме оскаровката Оливија Колман, додека улогата на нејзиниот сопруг Филип му е доверена на Тобијас Мензис, Хелена Бонам Картер се враќа како принцеза Маргарет, а Ерин Доерти ја игра принцезата Ана.
Премиерата на четвртата сезона е закажана за 15 ноември.

Извор: krstarica.rs