Ако седите повеќе од 7 и пол часа на ден, го зголемувате ризикот од предвремена смрт

Ако го поминете целиот ден седејќи во канцеларија, а потоа дома пред ТВ седите или лежите во вашата фотелја, нешто опасно се случува во вашето тело. Наскоро ќе доживеете очигледни здравствени проблеми како што се болки во грбот или грчеви во рамењата.

Ново истражување открива дека 9 часа на ден во седечка положба значително го зголемува ризикот од рана смрт. Луѓето кои седат 12 часа на ден имаат три пати повеќе шанси да умрат од оние кои поминуваат само 7,5 часа во таа позиција.

Истражувачкиот тим на Универзитетот во Лестер објави десет различни студии, со помош на кои дефинитивно е заклучено дека бројот на часови поминати во седечка положба е значително зголемен оваа година, поради карантинот и работењето од дома.

Па, како може да си помогнете?

Шефот на истражувачкиот тим, Шарлот Едвардсон, вели дека на луѓето кои седат повеќе од препорачаното им треба секојдневно вежбање од 30-75 минути, со цел да ја „анулираат штетата што си ја направиле самите себе“.

– “Познавам многу луѓе кои немаат време за секојдневно тренирање, но секогаш можат да прошетаат додека разговараат на телефон или почесто да стануваат од масата. Ако одите на работа со јавен превоз, секогаш можете да стоите, или да се симнете неколку станици пред вашата, а ако работите од дома, понекогаш направете пауза од пет минути за неколку едноставни вежби – препорача Шарлот Едвардсон.

Извор: telegraf.rs