Потег кој не расплака сите! Гасол ја крсти својата ќерка Џиана

Пау Гасол и Коби Брајант беа одлични пријатели, а Шпанецот уште еднаш покажа
колку го сака и му оддаде почит.
Гасол и неговата сопруга Кетрин Мекдонел добија ќерка на која и го дадоа името
Елизабет Џиана. Средното име го доби по ќерката на Коби Брајант, која почина заедно
со легендарниот кошаркар во хеликоптерска несреќа пред неколку месеци, а таа имаше
само 13 години.
Гасол играше седум години со Коби во Лејкерс и заедно освоија две титули во НБА-
лигата, а при тоа станаа големи пријатели и кумови. Тој дури го помина целото лето
дружејќи се со вдовицата на Коби, Ванеса и нивните две други ќерки, а доаѓањето на
малата Џиана беше поздравено од госпоѓа Брајант.
– “Пристигна моето кумашинче! Честитки. Ве обожавам сите тројца, толку ме трогна
вашето барање да и оддадете почит на мојата Џиана. Едвај чекам да те држам во моите
раце Елизабета Џиана Гасол” – напиша Ванеса Брајант.