Ова е омилениот појадок на Меган Маркл – се приготвува за пет минути

Војвотката од Сасекс се обидува да живее што е можно поздраво, а во прилог на тоа зборува и оброкот што сака да го изеде наутро.

Во новата биографија на кралскиот пар „Пронаоѓање на слободата“ од Омид Скоби и Каролин Дјуранд, авторите откриваат како Меган Маркл го започнува денот. Станува збор за исклучително здрава утринска рутина.

Зборувајќи за раните денови на врската на Меган Маркл со принцот Хари, книгата открива дека парот често патувал, но и вежбал заедно.

– Меган е тип на девојка која сака да се напие смути после вежбањето јога или пилатес – стои во книгата.

Што се однесува до нејзиниот појадок, авторите откриваат дека, нејзиниот утрински ритуал започнува со чаша топла вода и парче лимон, после што што го јаде нејзиниот омилен појадок – овесна каша, направена со бадемово или млеко од соја, во кој става банана и агаве сируп.