Маск за ставовите на Гејтс: “Тој нема поим”

Директорот на компаниите „Спејсекс“ и „Тесла“, Илон Маск, го критикуваше милијардерот и филантроп Бил Гејтс поради неговите ставови за одржливоста на поголемите електрични возила, оценувајќи дека тој „нема поим“.

Гејтс неодамна на својот блог изјави дека се надева дека поквалитетните и поевтини батерии ќе ги направат електричните возила „вистинска опција за секој сопственик на автомобил“, но се сомнева колку актуелната или идната технологија на батерии може да напојува големи возила.

„Електричната енергија функционира кога треба да минете кратки далечини, но нам ни е потребно поинакво решение за тешки возила на голени растојанија.  Дури и со големите напредоци во технологијата на батериите, електричните возила никогаш нема да бидат практични решенија за товарни бродови и патнички авиони”, смета Гејтс.

Гејтс исто така пофали неколку компании кои произведуваат камиони кои работат на електричен погон, како што се General Motors, Rivian, Bollinger и Ford, но не ја спомна Тесла, која го произведе кампионот “Сајбертрак”.

Корисник на Твитер го прашал Маск што мисли за ставовите на Гејтс, тој кратко одговорил: “Тој нема поим”. 

(Tanjug)