Разговорот со другарките за еден ист проблем, може да направи да се чувствувате полошо

Кога им е тешко, жените најчесто разговараат со своите другарки и тие разговори
понекогаш траат со часови. И тој разговор најчесто се повторува. Ќе раскажете сè што
ве мачи, но тоа како да не е доволно, па еден ист разговор се повторува неколку пати.
Доколку постојано им се жалите на вашите другарки за едни исти работи, помала е
веројатноста да превземете нешто во врска со проблемите и веројатно ќе заглавите во
негативните мисли.
„Колку повеќе се жалите, толку вашите проблеми стануваат поголеми во вашите очи“,
открива студијата на Универзитетот во Мисури. Жените, поради ваквите разговори, се
„заглавени“ во негативните мисли, што доведува до стрес, велат истражувачите.
Тие веруваат дека споделувањето на проблемите, на почетокот предизвикуваат добри
чувства, бидејќи се поттикнува лачењето на хормони кои се задолжени за нашето
добро расположение, но доколку редовно разговараме за нив, ги поттикнуваме
депресивните чувства во нас.
„Разговорот за стравовите и проблемите се чини дека е уште потешко, и колку повеќе
зборуваме, толку е помала веројатноста да направиме нешто за нив“, заклучи авторката
на студијата, Аманда Рос. Таа посочи дека мажите, за разлика од жените, избегнуваат
да зборуваат за своите проблеми и повеќе сакаат да се забавуваат со пријателите,
покрај кои се опуштаат.
„Женските разговори за проблемите се супер и создаваат чувство на блискост и
поддршка, но ако постојано се зборува за истите проблеми без да се обидете да ги
решите, таквите разговори ќе направат да се чувствуваат уште полошо“, изјави
психологот Линда Пападопулос.